Համայնք

Կոկա-Կոլա ՀԲՔ-ն համայնքի ակտիվ անդամ է բոլոր այն 29 երկրներում, որտեղ այն գործունեություն է ծավալում:

Որպես համայնքի ակտիվ անդամ մենք լիովին ներգրավված ենք մեր տեղական համայնքների կյանքում:

Կյանքի որակի բարելավումը  և տեղական համայնքներում ներդրումը մեր ընկերության սոցիալական պատասխանատվության առանցքային հարցերից է:  Մեր հիմնական բիզնես գործունեությունը մեզ օգնում է նոր և գրավիչ աշխատատեղեր  ստեղծել տեղի աշխատուժի համար, վճարել հարկերը, ինչը նպաստում է տեղի տնտեսությանը և տեղի այն համայնքային նախագծերին, որոնք  գործ ունեն բնապահպանական և սոցիալական հարցերի հետ: Մենք գործակցում ենք շահակիցների և տեղի համայնքների հետ  տարբեր խնդիրների արձագանքելու համար  և նպաստում նրանց կայուն զարգացմանը:

Մեր համայնքային ներդրումների ծրագիրը կենտրոնանում է ջրային ռեսուրսների արդյունավետ կառավարման և բնապահպանական նախաձեռնությունների, համայնքի բարեկեցության և երիտասարդների զարգացման վրա:

Ջրային ռեսուրսների արդյունավետ կառավարում

Որպես ջրային ռեսուրսների արդյունավետ կառավարման  մեր ռազմավարության մի մաս մենք գործակցում ենք կառավարական և հասարակական կազմակերպությունների հետ՝ ջրային ռեսուրսների կայուն զարգացող կառավարմանը և ջրօգտագործողների կայուն զարգացող պրակտիկաներին սատարելու համար: 

2025թ․-ի սեպտեմբերի 24-ին Կոտայքի մարզի Աբովյան համայնքում մեկնարկեց նոր նախաձեռնություն՝ միտված Մայակովսկի բնակավայրում ոռոգման համակարգի բարելավմանը։ «Կոկա-Կոլա ՀԲՔ Արմենիա» ընկերության, «Շեն» բարեգործական հասարակական կազմակերպության և Աբովյանի համայնքապետարանի միջև փոխըմբռնման հուշագրի ստորագրումը ազդարարեց ծրագրի պաշտոնական մեկնարկը։ Կոտայքի մարզի Աբովյան համայնքի Մայակովսկի բնակավայրի ոռոգման ցանցի վերակառուցման նպատակը խմելու ջրի խնայողությունն է՝ ոռոգման համակարգի բարելավման միջոցով:

Մենք օժանդակել և մասնակցել ենք ջրային ռեսուրսների արդյունավետ կառավարման տարբեր նախաձեռնությունների, այդ թվում՝ «Կարևոր  է ամեն կաթիլը» նախագծին, որը նպատակ ուներ պահպանել Աղստև գետի ավազանը, ինչպես նաև՝ ԳԱՏՈ նախաձեռնությանը Հայանիստ համայնքում։

Երիտասարդների զարգացում

Կոկա-Կոլա ՀԲՔ-ի շուկաներում երիտասարդների շրջանում գործազրկությունը շարունակում է մնալ որպես նշանակալից մարտահրավեր: Հայաստանում մենք առաջարկում ենք պրակտիկա ձեռք բերելու հնարավորություն: Ներկայումս մենք կրթական ծրագրեր ենք մշակում որպեսզի քիչ առավելություններ ունեցող  երիտասարդներին տանք հնարավորություններ՝ սովորեցնելով կյանքի և բիզնես հմտություններ:

Մեր կորպորատիվ կամավորական ծրագրերը

Երբ ցանկանում եք աշխարհը փոխել դեպի լավը, սկսե՛ք Ձեզանից: Մենք մեր մարդկանց հնարավորություն ենք տալիս օգնել նրանց, ովքեր դրա կարիքը ամենաշատը ունեն։ Մենք խրախուսում ենք մեր աշխատակիցներին իրենց ժամանակը տրամադրել այն բաներին, որոնք ոգեշնչում են ավելի լավ ապագայի համար:

2025թ․-ին՝ Ամանորյա տոների ընթացքում մեր աշխատակիցները կրկին միավորվեցին «Աշխարհին շատ Սանտաներ են պետք» ամանորյա կամավորական նախաձեռնության շրջանակում՝ սոցիալապես խոցելի ընտանիքների երեխաներին աջակցելու համար։ Նախաձեռնությունը շարունակաբար պարգևում է տոնական ուրախություն և ջերմություն այն երեխաներին, ովքեր ամենից շատն ունեն դրա կարիքը։

Ակտիվ կենսակերպ

Մենք համագործակցել ենք Երևանի Street Workout-ի (փողոցային մարզումներ) հետ «Եղի՛ր ակտիվ, եղի՛ր առողջ» ծրագրի շրջանակներում  և «Վերադարձ Հայաստանի» հետ՝ «Կոկա-Կոլա Երևան կիսամարաթոնի» շրջանակներում: Մի քանի տարի մենք կազմակերպել ենք Կոկա-Կոլայի  գավաթի ֆուտբոլի առաջնություններ տեղի դպրոցների համար՝ համագործակցելով Հայաստանի ֆուտբոլի ֆեդերացիայի հետ: